Friday, November 26, 2010

怪物

人與人之間,鬼唔知最好的相處就是坦誠。如果你是一張白紙,我也是一張白紙,沒有什麼好忍瞞,哪不用談坦不坦白,因為跟本就沒有不坦白的選擇。若倆方剛認識,當然最好坦白,合即來不合則去,勉強沒幸福,日後相處要日日夜夜裝扮另一個人也不會好過。但認識日子久了怎麼辦?月會圓,人會變。當年接受得到本來的你,卻很難肯定接受得到現在的你。現在的你 50 歲了?變醜了?吸毒了?去滾了?無業又身無分文了?你接受得了多少?你的責任應承受多少?當天的承諾,我們還年紀小,又有誰能預計到今天的樣子。又有沒有東西能像銀行般做個壓力測試,給我們一個人生的 flashback ,去讓我們有信心另一半有接受我們變成一頭怪物的能力?

Friday, October 22, 2010

人性

我家有個老人痴呆的嫲嫲,但每次和嫲嫲和親戚們眾餐,勻有類似以下的對話:

戚:「你記唔記得我係邊個呀?」
嫲嫲:「你呀.... 阿X 囉...」
戚:「咁你又記唔記得佢係邊個呀?」著我。
嫲嫲:「佢係... 阿鎚囉..」
戚:「咁阿鎚係你邊個呀?」
嫲嫲:「.... 唔記得囉...」
戚:「哇咔~~~ 都話你老人痴呆乜都唔記得架啦,你點會記得阿鎚係邊個吖﹗咔~~~


有時上一代既人,同我隻狗拋波一樣,同一樣野可以笑一千一萬次都唔厭。笑人老人痴呆都玩得咁開心,都幾 L 變態。

Wednesday, September 22, 2010

短暫

唔好話 70(又其實冇人話過 70), 就算我自己响呢度寫野,都會有種 listen or leave me alone 既取向。因為咁,我先會(有時)想唔俾人留言。呢種取向,聽落有點刁蠻,但我覺得,亦可以只係一種免事非既態度。好多時寫 blog, 寫了都一段日子,係會好厭寫啲阿媽係女人咁既大道理。反而有時有啲生活上既體會,自己會都覺得有趣,就記下來亦希望同有緣人分享。當時既一番感受,你唔係我,未必完全體會倒相同既事。而網絡上既途人,其實亦流於走馬看花,很多時不需十多秒至幾分鐘就把「整篇」看完,然後急急留些無關痛癢但又唔太啱聽既留言。於此,又唔想為「0 留言」既標籤而感覺凋零,都係關上留言比較好。

其實想話,自己睇人自覺有特別既一套。會討好我既,或會得罪我既,通常當時人都唔會知道係咩事。其實,話俾佢知亦冇意思,因為佢地會覺得我好無聊,我亦唔想爭。我反而因為呢啲無聊事,而反映出當時人唔係刻意,但係就反映左當時人既一些核心價值觀。做唔做得成朋友,其實就只在乎價值觀呢樣野,所謂道不同不相為謀,價值觀不同則話不投機半句多。

啱啱同包包(我隻狗)玩,突然想起,紅爆一時既 zz ,我都跟隋咗一段日子。除左個啲口交三分鐘高潮既文章外,我最記得就係佢講關於佢隻狗仔過身既事。我之前竟沒有留意過,我地隻傻狗狗,真係唔知點解會咁鐘意網球。我地無論拋個網球拋一千次一萬次,佢都係會咁開心去執。狗仔既開心何其簡單,而佢地咁生猛會跑會跳既日子更何其短。當下佢呢個年紀,真係難得。可惜 1 日永遠也只得 24 小時。所有呢啲日子,亦再珍惜都留唔住。



  •  包包最鐘意响我個網球籃下面訓覺。初時唔知點解,後尾就發覺,原來佢望住上面訓覺時,想像幾百個波一齊拋落黎,應該係覺得置身於天堂。

又狗仔既黃金時間仍要珍惜,何況係人?皮光肉滑既日子瞬間即逝,怎可意智消沉?人生太精彩,我真係唔捨得。

Saturday, September 18, 2010

幸運與不幸運

Quote from an interesting article: How to get lucky

One unlucky subject said that after adjusting her attitude -- expecting good fortune, not dwelling on the negative -- her bad luck had vanished. One day, she went shopping and found a dress she liked. But she didn't buy it, and when she returned to the store in a week, it was gone. Instead of slinking away disappointed, she looked around and found a better dress -- for less. Events like this made her a much happier person.

生活磨人,在歲月的成長中,人難免變得消極。幸運與不幸運,則在乎心境,積極的生活態度能把命運扭轉。有時候,改變自己的一些要求,並不是要你食完屎然後感恩有飯食,而是每天抱怨呱嘈,只會錯過更多更好的 alternatives 。

Tuesday, September 14, 2010

開聲

其實夏韶聲批評林欣彤把聲唱唔出個四方"kwak",或所謂含住啖水唱歌既「問題」,我覺得好普遍... 因為我都係咁。我有少少貼士.. 就係多啲練習唔好用個 mic 唱歌。因為而家啲人,都係唱 K 唱大,而唱 K 就係一開始就用 mic 唱,就習慣咗唱俾支 mic 聽就算,把聲從來都冇離開過個 mic 既範圍。平時練歌,若果音樂可以細返啲,間房其實分分鐘已經 provide 咗一個好好既 echo 。拋開支 mic ,好似山上面啲囡囡咁唱俾對面山啲哥哥聽,咁把聲就自自然然乜都開晒。

(講到好似林欣彤一定會睇我個扑,睇完仲會立即唱功大飛猛進咁)

Monday, September 6, 2010

靚媽咪

見渣沽講開囡囡,我就諗起啲靚媽咪。我講既唔係囡囡既媽咪,而係從朋友口中得知,因為大陸啲囡囡都比較早婚,落到黎香港班麻甩仔成日去搵個啲所為囡囡,雖然只不過廿幾歲,但分分鐘已經係幾個細路仔既靚媽咪。暫唔講人地乜野身世,(又話說啲囡囡最唔明啲男人點解上床前係都要聽故仔),啲囡囡仲可以扮到啱啱出黎做咁,都咪話唔服佢地啲演技。


話雖如此,個 clip 當然唔係我講個啲靚媽咪,但肯定佢都係一個靚媽咪囉。(仲好可愛添﹗幸福既女人是有樣睇的。)

Sunday, September 5, 2010

林欣彤

林欣彤把聲獨特唔在講,啱啱睇佢唱完 GEM 首 AINY ,唱唔唱得俾原唱者好聽?真係好難比較,但兩位小妹妹把聲都真係真係一時無兩。唔知林欣彤又有冇 GEM 咁好既音樂天份同識彈琴作曲呢?不過林欣彤個樣都算討好,對眼成日笑味味咁,不過最殺食對係佢對腳,又長又直,呢個小妹妹真係難得....



Sunday, August 29, 2010

生老病死

認識了有些朋友十多年,我一直明知一些「朋友」心地唔好,但命命之中又時不時就會見到他。這些年來的生活裏邊不知怎麼地,他會時常找你,又沒有什麼所謂地,就常常見面了。心情很好的時候,你會覺得,你生命裏面就是一直有這個人時常在你面前出現,也是一個難得的緣份。心情不好的時候,你會不明白,為何自己還要對這個自私的人那麼好。不過一點可以肯定,因為有了這樣一個朋友,就提醒了自己,以後身邊都再不需要多一個這麼的人了。然後,若再遇倒這類人,自己就可以狠一點,冷血一點遠,在和他們相熟前遠離他/她了。這樣的經歷,又算不算是人生中一個成長的過程?


我想到原來人所謂的「成長」,有時會隨著歲月的無情,出現倒退的性格。以前我以為,人到了老年,應該什麼時也該看得化了。所謂半隻腳踏進了鬼門關,還什麼好怕?但後來接觸的老人家多了,才發覺原來很多的老人家,會越老越小氣,越老越怕死,越老越貪心,即老人成細蚊。小氣,是因為沒有什麼好值得驕傲了,在家給兒女日鬧夜鬧,唯有到公園找其他阿伯自吹自擂。怕死,是因為百病纏身,清楚時日不多。後生時候跟本就沒有想過死亡是什麼的一回事。貪心,是因為除了用錢要人幫他做事之外,他自己已經什麼都不能做了。


我不明白,是什麼原因,會令一個人成長的過程中變酸變苦?在現時的社會裏,大部份人會學到要你身邊的人開心,自己要先學懂自私一點,因為要先讓自己活得開心,然後才有資格令別人開心。又想到那個視自己為 1 ,別人為 0 那個理論。或者在將自己變成唯一有價值的 1 的過程,很多人卻錯記了 0 沒有價值。雖知天文數字如 1000000000, 沒有了那些 0 ,1 大不了那裏。

Friday, August 20, 2010

CK 人在中環 3

本書竟然出咗咁耐先買,其實幾個月前喺 CK 個 blog 度以經見倒有人留言恭喜 CK 出第三本書,可惜自己又冇乜時間 check,我平時去到書局又冇問人,原來六月時己經出咗。不過一直都唔肯定,反而有次响機場間 pageone 見倒本書,先 confirm 真係出咗。今日幫我搵書條友先搞笑,竟然聽唔明我講邊本書,然後問返我轉頭係咪「九在中環」?哈哈.. 都唔知好嬲定好笑.. 其實一直都唔明,個「人」寫成咁,係咪特登架?

好,講返呢本書,真係一定要買。點解?哈哈~~ 因為... 有冇見倒個序係邊個寫既呢?咪就係小鎚囉哈哈哈~~ 唔知點解每次讀返自己寫既野,都會唔係好知自己想講乜﹗你地又明唔明呢?


 
又,幅相後面個啲電字野,好明顯係專登放上去架啦。我真係好鬼膚淺呀,咁鐘意  show off 哈哈,不過,係咪好型先?

Wednesday, August 4, 2010

Hello Day

其實呢度仲有冇人睇架?
奇怪係唔知幾時開始,己經無再諗摺唔摺扑既問題。
原來會諗摺扑,都只因有壓力。

Tuesday, August 3, 2010

無視私隱

其實香港法律同制度上都好容易察覺到非常之唔重視個人私隱。我個手提電話每個星期甚至响外地 roaming 都唔知收到十個以上既 spam 電話,浪費咗幾多錢同時間?如果法律唔許可,我大可以追溯返佢地邊度得倒我個電話,然之後告到佢地甩褲。但而家,除咗收線係乜都做唔倒,直頭係吹佢地唔脹。電話公司係咁,銀行係咁,信用卡公司係咁。由此可見,香港係絕對唔容許高科技高資訊既科技出現。你話若果 google 係香港公司,google calender 可以賣你啲資料俾任何人,咁你幾時响邊度約咗邊個呢啲資料都可以俾人買得到,咁仲有冇人會用你個 service?

Sunday, August 1, 2010

Vienna Lin

好假﹗但我我鐘意... 哈哈
好老套講句,關於取悅對方,其實邊有話分真定假,
有時更在乎心意,即肯唔肯做。
扮吓野,又冇壞既?但好快就知對方鐘唔鐘意,大家開心。
可惜大部份香港(亞洲女性)唔敢?或唔肯做,
結果,肯做既女性,雖然被 label 為邪牌,
但佢地反而得到佢地想要既幸福。

Sunday, June 27, 2010

原諒自己

上兩個星期,我和一班朋友一路行山一路玩相機。我有一套 Canon Speedlite 580EX 和 Trasmitter ST-E2 ,但我不會用,所以就帶了出去找朋友示範一下。其實上個月我已經帶了一次出來,可是後來發覺,不知為何沒電了,而且朋友說,還是帶說明書出來一齊研究會好一點。可是今次,可能我忙,可能我沒心干,結果又是沒了電,又沒有帶說明書。

於是我告訴我的朋友,他們暫時自已玩,不要理我,我要去找電池。誰都知付近沒有便利店,我們當時又在山上,最快也要跑半小時到才有便利店。我沒有考慮,就算當時 35 度天大氣炎熱,我轉身就開始跑。當然,我這個行為很無謂,也很辛苦。


是後回想,我當時怎會這有樣的行為?今次沒電便算了,下次再來吧,又不是趕用。可不可以說,我是在自我沉醉於自己製造的不幸之中?或是犯賤?

有些人遇到一些問題,負任會指向別人。但亦有些人,都會怪自己。問題是,原諒自己永遠比原諒別人難上百倍,除非事先跟本就不認錯。我對我自己同一個錯誤犯了兩次,我就發脾氣,我原諒不了自己,我抵死,我要受罰,我要補賞,我以為這樣我會好過一點。

有些人,犯了些「永遠都不能彌補的錯」,就唯有不斷的責怪自己,折磨自己。所以對一些人,坐監反而是一種解脫。但不是人人都有坐監的機會。或者先要學懂放開,不要執著。要後學會對別人多些包容,學會原諒別人。最後希望也能原諒自己,從新做人。

畢竟,年青人都有愚蠢、糊塗的時候。但我們,已沒有多少年可以浪費了。

Sunday, June 6, 2010

dynamic LCD

電腦 geek 或交易員,往往會覺得每天望著五、六個 LCD 工作好酷 。但其實,呢五、六個 LCD ,九成時間都沒有更新的。弱智的是,因為怕其中一些這些 LCD 壞掉,所以都會加上時鐘每秒跳動來確定顯示都在正常運作,然後再檢查那些沒有變化的數據,才放心數據真的沒有變。

電腦 geek 或交易員,大部份時間,都只是看著這些數據,等待適當變化時作出相應的操作。其實有沒有方法,有一個顯示屏,能把這五、六個 LCD 的數據先行分析,只把變化了的顯示出來?

懂投資就會慳

識得搵錢既人,永遠都好慳。原因係因為佢地識得點錢搵錢。試諗諗,如果你都識得一蚊變十蚊,十蚊變一百蚊,一百蚊變一千蚊,咁你知道若你今日駛咗一蚊,即係你駛咗將來既一千蚊,咁你仲捨唔捨得駛錢?

Saturday, May 29, 2010

朋友的考驗

F 小姐最近開始了新戀情,是圍內的朋友。

言談間很容易察覺到,F 小姐很在意朋友們怎樣看她的新男友。不論朋友們對 F 小姐的新男友怎樣評頭品足,F 小姐也只是點點頭,然後甜絲絲的笑起來。突然間醒起結緍當天玩的玩的接新娘遊戲,新郎哥要先過得所有新娘朋友的考驗,才可以接得新娘。

其實,考驗早就開始了,而且還未完的。。。

Wednesday, May 26, 2010

北韓笑話

「金正日與普京在莫斯科開會;飲宴畢,『娛樂節目』是測試誰的保鏢最忠實。普京開了大窗,命令他的保鏢跳下去,保鏢大驚,心想二十樓高,跳下必死,飲泣對 普京說:『我家有老小,你何忍要我送死!』不肯跳,普京不為已甚,讓保鏢回家。輪到金正日,他的保鏢聞言作勢欲跳,普京一把把他拉住,問,你不怕死?保鏢 哭喪着臉,並無懼色:『總理先生,讓我去死吧,我家還有妻兒子女啊!』」

Friday, May 14, 2010

沒有人性的行為訓練

我家有隻小狗。雖然如果跟足導師的訓練,她也能被訓練成如警犬一樣的泠靜,聰明。但是,若我每次回到家,我的小狗只會超冷靜的坐在一旁,等待我的獎勵,我倒會覺得很沒趣。我還是喜歡現在的她,一看到我就一副情不自禁癲癲地個樣。

炒股呢,行為訓練最好也是點到即止,炒股的專業行為最好亦只限於炒股的行為上。若做人的態度也一拼採用,什麼事也妄顧贏輸的感受,即贏波唔識開心,輸波唔識傷心,那我會覺得,這樣做人比會炒股更迷失。

Wednesday, May 12, 2010

戰爭只能速戰速決

連日來的 day trade 生活,
其實我是覺得蠻苦悶。

對比埋頭苦腦地發明些電子玩具,
或寫個傻瓜的程式,
或切一份計期權的 spreadsheet,
或看一本書,
或帶小狗出外散步,
都比每天看著死古古的數據來操作有意義。

長久下去,
就算我能賺錢,
但也失去寳貴的時間。

所以戰爭,
還是只能速戰速決,
拖久了一定會輸。

還是希望我這鋪大細快點有個了結,
然後就可以取其他較不用心神的投資技考了。

我知,財不入急門。
但,這回我己經等到頸都長了﹗

Sunday, May 2, 2010

甜不辣/糖不甩/Tempura

上星期在台灣用餐的時候,其中有一段對話是這樣的。


我問:「這是什麼呢?」

台灣朋友:「這是甜不辣,你們香港有嗎?」

我回答:「有啊,一樣的,廣東話叫糖不甩。。。」

鬼佬朋友:「What are you guys talking about?」

台灣朋友:「I was saying this food is called 甜不辣。」

鬼佬朋友:「Oh, yeah I know, this is TEMPURA, Japanese food.」

當時是覺得有點怪怪的... 回家搜一下,果然是雞同鴨講.....

Saturday, April 24, 2010

٩(•̮̮̃•̃)۶

٩(•̮̮̃•̃)۶ <-- 我未見過 ....

Wednesday, April 7, 2010

別野

近年我常常說想學好點中文。

但是可謂萬試萬靈,每當朋友聽到我這樣說,
他/她們第一個反應就是:「車,中文之嘛,我教你啦!」

昨天我和其中一位朋友行過一間地產,
她突然說:「哇,呢間別野 affordable 喎。」

別野??你仲話想教我中文?

Monday, April 5, 2010

廁所鎖匙

那天在寂莫的都市中,煩囂的街道上,
人有三急,
窘澀地走進叻啡店內。

陌生的當席姐姐,出於好心,
掛上笑容,
借出了廁所的鎖匙。

小鎚感激得淚盈於睫,如釋重負,
回到櫃枱,
為表心意持地買杯外賣。

回到家中,屁股一坐,
一條掛匙大牌差點插穿褲袋。
SHIT﹗
條匙點解會仲響度架??

Saturday, April 3, 2010

戰由心生

當一個人什麼都要贏的時候,
自然樣樣事都變成戰爭。

Sunday, March 28, 2010

紫葉酢醬草

日間



夜間

小翠煩惱多

好明顯,用惱那邊扑是比這邊多的了。我是個自找煩惱的人。
那邊不開留言,因為若要回的我有意義,呵,非要一千幾百字不可。
而留兩隻字的,多謝了。

這邊呢?不知道。
寫了那麼多年,我還有交新朋友的興趣嗎?

Thursday, March 25, 2010

用腦不用腦

想來想去,也沒有好辦法有組織有系統地置配我的文章。
一時摄影,一時電子,一時經濟,一時無聊。
一時栽種,一時打波,一時寫作,一時旅遊。
不如話分兩頭。一邊用腦,一邊不用腦。
好冇?