Sunday, January 3, 2016

Wednesday, April 22, 2015

關於 bitcoin ...

關於 bitcoin 既文我搬咗去第二個 blog..

http://hammeryip.blogspot.hk/

Saturday, August 11, 2012

喝咖啡就是喝生活態度

港式咖啡之所以十蚊杯,但 Starbucks 則可以賣三四十蚊杯,分別就在於香港人生意人不明白什麼是生活態度。尤其是上一代的香港人,著重什麼香港的拼博精神,名義上說是多勞多得,實際上就莫視巿場和顧客的需要。

香港人,怎至中國人,做生意就是這個 cost down cost down 的模式。以為找間小鋪低成本十蚊杯外賣咖啡就會有生意? 台灣做底版 display card 做到個市場爛又如何?  Apple 遲幾年才做 mp3 機又如何?人家賣的是生活態度,喝咖啡就是想休閒的坐下來透一淡氣。買外賣? 十蚊也太貴了吧。

Monday, August 6, 2012

蜘蛛仔機器人

好想立即整幾隻呢啲機器人蜘蛛仔,去海灘執晒啲膠粒。整百幾隻吱吱吱聲既蜘蛛仔,執晒啲膠珠上背脊,幾過癮。其實我覺得唔係做唔倒吖,開發成本應該一百萬以內。但如果啲蜘蛛仔以後都可以再用幫助世界各地既地方清潔,應該有得做?有冇有錢人做想投資?(呢啲項目政府應該資助啦) 用鏡頭分析影像,認出膠粒?甚至乎一直且將啲沙放入背上既一個 filter, 排出沙粒。剩下來的垃圾就可以掉咗去。(我懷疑已經有,只係政府寧願搵人去執..)

Sunday, August 5, 2012

鳥盡弓藏

多年既工作經驗告訴我,銷售人員的確很忌技術人員。亦似乎,任何公司,任何行業都有這樣清況。

偏偏,技術人員大都不善於傾生意和打人際關係,所以只能默默幫銷售員做事。又由於銷售員有客在手,講野都自然大聲啲。技術人員就更加容易被壓下去。但若技術人員肯跳出來前線,他們對產品的熟悉是一般的銷售員沒法比的。對此銷售員沒可能不忌技術員。

當銷售員是技術員的上司的時候,關係就像一國之君和謀士般微妙。若謀士行軍遣將屢次立功功高蓋主,就惹殺生之禍。若謀士不盡全力,國亡,自己也好不了哪裏。

不是所有人都有機會能做「主公」。身為謀士也只能努力找「明主」。我很欣常范蠡和諸葛亮。我覺得,在其任謀其事,在位時也只能鞠躬盡力,死而後已。若「成功」了,則記緊鳥盡弓藏,兔死狗烹。什麼時候要離開,為自已留一條後路,也只得盤算在內。

世事如此。希望將來我有機會做老闆,要記緊更需要一個廣大的胸襟,去容納能為我成就大業的有能之仕。(發夢了)

Saturday, August 4, 2012

我要做隻豬

最近一直被一件事困擾。

我跟了一個上司五年,一直以來我就像他的貼身秘書,尤其是當他放假或不在辦公室的時候的工作都是由我來頂替的。他是商務經理,我是技術經理。我想升職的話,就只能從商。這個沒問題,公司有一半的客戶都是我接回來後再技術支持的。一直以來,我也告訴他我想調職去處理生意上的業務,他說,我技術支持上的成就無人可代替,所以他暫時不能把我調到其代職務。

剛剛,他要升職了,但他竟然從其他部門找來一位不懂我們業務又不懂我們技術的人來做我的新上司。我問,這是為何?他說,我是這邊的中流砥柱,我升職的話就沒有人能頂替公司旳技術支援。反而有我繼續我的工作的話,他放一隻豬做我老細這邊公司業務亦會繼續增長。

我想不通。這樣只否一輩子就要為豬打工了?還是要變做一隻豬,才有出頭天?

Tuesday, May 15, 2012

再說生仔

承接一年前所寫既一篇短 blog ,我對生仔的確有啲唔同既睇法。
http://rustihammer.blogspot.com/2011/05/blog-post.html

以前我都唔知生仔係為乜。但我又唔太傾向覺得生仔係自私既行為。我同意做愛係自私既行為,但生仔有商榷既地方。我奇怪上一代/以前既人其實從來唔會覺得生仔係自私行為,所以有父親節母親節既存在。負責任地去生兒育女,對自己既犠性好大,同自私呢個定義有矛盾。但到咗今時今日就好多人恕自己父母自私生咗自己出黎,亦覺得自己好自私咁生咗仔女。最大原因為佢地覺得做人無價值,無意義,又唔開心?

香港生育率偏低,政府都鼓勵市民多啲生仔。假設生仔係自私行為,咁連政府都鼓勵去生,點解啲人仲唔生?我比較相信既理解為,市民都係自私既,但生仔同市民既自生利益有沖突,所以唔生。我唔相信到有利益當前,大部份人仍會都會覺得生仔等如多一個人喺世上累人累物咁悲哀而唔生。