Wednesday, September 22, 2010

短暫

唔好話 70(又其實冇人話過 70), 就算我自己响呢度寫野,都會有種 listen or leave me alone 既取向。因為咁,我先會(有時)想唔俾人留言。呢種取向,聽落有點刁蠻,但我覺得,亦可以只係一種免事非既態度。好多時寫 blog, 寫了都一段日子,係會好厭寫啲阿媽係女人咁既大道理。反而有時有啲生活上既體會,自己會都覺得有趣,就記下來亦希望同有緣人分享。當時既一番感受,你唔係我,未必完全體會倒相同既事。而網絡上既途人,其實亦流於走馬看花,很多時不需十多秒至幾分鐘就把「整篇」看完,然後急急留些無關痛癢但又唔太啱聽既留言。於此,又唔想為「0 留言」既標籤而感覺凋零,都係關上留言比較好。

其實想話,自己睇人自覺有特別既一套。會討好我既,或會得罪我既,通常當時人都唔會知道係咩事。其實,話俾佢知亦冇意思,因為佢地會覺得我好無聊,我亦唔想爭。我反而因為呢啲無聊事,而反映出當時人唔係刻意,但係就反映左當時人既一些核心價值觀。做唔做得成朋友,其實就只在乎價值觀呢樣野,所謂道不同不相為謀,價值觀不同則話不投機半句多。

啱啱同包包(我隻狗)玩,突然想起,紅爆一時既 zz ,我都跟隋咗一段日子。除左個啲口交三分鐘高潮既文章外,我最記得就係佢講關於佢隻狗仔過身既事。我之前竟沒有留意過,我地隻傻狗狗,真係唔知點解會咁鐘意網球。我地無論拋個網球拋一千次一萬次,佢都係會咁開心去執。狗仔既開心何其簡單,而佢地咁生猛會跑會跳既日子更何其短。當下佢呢個年紀,真係難得。可惜 1 日永遠也只得 24 小時。所有呢啲日子,亦再珍惜都留唔住。



  •  包包最鐘意响我個網球籃下面訓覺。初時唔知點解,後尾就發覺,原來佢望住上面訓覺時,想像幾百個波一齊拋落黎,應該係覺得置身於天堂。

又狗仔既黃金時間仍要珍惜,何況係人?皮光肉滑既日子瞬間即逝,怎可意智消沉?人生太精彩,我真係唔捨得。

6 comments:

  1. "人生皮光肉滑既日子亦何其短" 真係好恐怖,轉眼間就31歲,到左應該生育的年紀。然後覺得那些飲功夫茶、注重養生的中年叔叔、靚太的階段,原來不遠......但對現實生活,卻總有一種無力改變感。

    ReplyDelete
  2. 鎚,我成日都想你寫多啲。

    ReplyDelete
  3. 鎚,我成日都想你寫多啲生活隨感。

    ReplyDelete
  4. 唔覺我啲生活隨感積極中仍帶點淒涼?

    都想寫多啲,但一來冇乜時間,二來生活上並唔係真係咁多值得(喺度)寫落黎既體會... :p

    ReplyDelete
  5. >>積極中仍帶點淒涼

    就係咁先至好睇!

    ReplyDelete
  6. HI,我第一次睇你個BLOG, 睇完你寫你狗狗呢篇個心有D UP住. 你狗狗一定都好珍惜同你相處0既時光的.

    得閒方便就寫多D啦~

    ReplyDelete